Twitter icon
Facebook icon
Google+ icon
LinkedIn icon
YouTube icon

Leading News

രാജ്യസഭ-- യെച്ചൂരി മത്സരിക്കേണ്ടെന്ന് സി സി , ചരിത്രപരമായ മണ്ടത്തരം ആവര്‍ത്തിക്കുന്നുവെന്ന് ബംഗാള്‍ ഘടകം

ന്യൂഡല്‍ഹി ; സി പി എം ജനറല്‍ സെക്രട്ടറി സീതാറാം യെച്ചൂരിയെ മൂന്നാം തവണയും രാജ്യസഭയിലേക്ക് അയക്കേണ്ടെന്ന പോളിറ്റ് ബ്യൂറോ തീരുമാനം പാര്‍ട്ടി കേന്ദ്ര കമ്മറ്റി ശരിവെച്ചു ഇതോടെ യെച്ചൂരിയുടെ രാജ്യസഭാ മോഹം പൊലിഞ്ഞു.  തീരുമാനം ചരിത്രപരമായ മണ്ടത്തരം ആവര്‍ത്തിക്കലാണെന്ന്‍ ബംഗാള്‍ ഘടകത്തിലെ മുതിര്‍ന്ന നേതാവ് പ്രതികരിച്ചു . വോട്ടിനിട്ടാണ് പോളിറ്റ് ബ്യൂറോ നിര്‍ദ്ദേശം കേന്ദ്ര കമ്മറ്റി തള്ളിയത് . നിര്‍ദ്ദേശത്തെ അനുകൂലിച്ച് അമ്പത് പേരും എതിര്‍ത്ത് മുപ്പത് പേരും വോട്ടു ചെയ്തു.

പെണ്‍പട പൊരുതി വീണു

ലണ്ടന്‍ :  വനിതാ ലോക കപ്പ്‌ ക്രിക്കറ്റിന്‍റെ  ഫൈനലില്‍ ഇംഗ്ലണ്ടിനോട്  ഒമ്പത് റണ്‍സിന് പരാജയപ്പെട്ട  ഇന്ത്യന്‍ വീരംഗനമാര്‍ ചരിത്രം സൃഷ്ടിച്ചാണ് ലണ്ടനില്‍ നിന്ന് മടങ്ങുന്നത് .ഇതുവരെ പുരഷമേധാവിത്വം  കൊടികുത്തിവാണ ഇന്ത്യന്‍ ക്രിക്കറ്റില്‍ പുതിയൊരു യുഗം തുറന്നുകൊടുക്കുകയാണ്  ഈ ഫൈനല്‍ . പുരുഷ ക്രിക്കറ്റിനോട്  കിടപിടിക്കാന്‍ കഴിയുന്നതാണ് തങ്ങളുടെ പ്രകടനം എന്ന്‍ തെളിയിക്കാന്‍  ഇന്ത്യന്‍ വനിതാ താരങ്ങള്‍ക്ക് കഴിഞ്ഞു .

പ്രണബ് മുഖര്‍ജി വിടവാങ്ങുന്നു

ന്യൂഡല്‍ഹി :  പ്രണബ് മുഖര്‍ജി  ചൊവ്വാഴ്ച രാഷ്ട്രപതിഭവന്‍റെപടിയിറങ്ങുന്നു .സ്ഥാനമൊഴിയുന്ന രാഷ്ട്രപതിക്ക് പാര്‍ളിമെന്റിന്റെ  സെന്‍ട്രല്‍ ഹാളില്‍ ഔദ്യോഗിക  യാത്രയയപ്പ് നല്‍കി . ഉപരാഷ്ട്രപതി ഹമീദ് അന്‍സാരി , പ്രധാനമന്ത്രി നരേന്ദ്ര മോദി , സ്പീക്കര്‍ സുമിത്ര മഹാജന്‍, മുന്‍ പ്രധാനമന്ത്രിമാര്‍ ,എം പി മാര്‍ എന്നിവര്‍ ചടങ്ങില്‍ പങ്കെടുത്തു.

ശങ്കര്‍സിംങ്ങ് വഗേല കോണ്‍ഗ്രസ് വിട്ടു

ഗാന്ധിനഗര്‍; ഗുജറാത്ത് മുന്‍ മുഖ്യമന്ത്രിയും , നിലവിലെ പ്രതിപക്ഷ നേതാവുമായ ശങ്കര്‍സിങ്ങ് വഗേല കോണ്‍ഗ്രസ് വിട്ടു. തന്‍റെ  ഏഴുപത്തിയേഴാം  പിറന്നാള്‍ ദിനത്തില്‍ വിളിച്ചു ചേര്‍ത്ത യോഗത്തിലാണ് വഗേല പാര്‍ട്ടി വിട്ട കാര്യം അറിയിച്ചത് . കോണ്‍ഗ്രസ് തന്നെ  ഇരുപത്തിനാല് മണിക്കൂര്‍ മുമ്പ് പുറത്താക്കിയെന്നാണ് വഗേല യോഗത്തില്‍ പറഞ്ഞത്.  പ്രതിപക്ഷ നേത്രുത്വ സ്ഥാനവും  വഗേല ഒഴിഞ്ഞു .ആഗസ്റ്റ്‌ എട്ടിന് നടക്കുന്ന രാജ്യസഭ തെരഞ്ഞെടുപ്പിന് ശേഷം എം എല്‍  എ സ്ഥാനവും രാജിവെക്കുമെന്ന്‍ വഗേല അറിയിച്ചു .

സജീവ രാഷ്ട്രീയം വിടുന്നതില്‍ ദുഖമുണ്ടെന്ന് വെങ്കയ്യ നായിഡു

ന്യൂഡല്‍ഹി :   സജീവ രാഷ്ട്രീയം ഉപേക്ഷിക്കേണ്ടിവരുന്നതില്‍  ദുഃഖമുണ്ടെന്ന്   എന്‍ ഡി എ യുടെ  ഉപരാഷ്ട്രപതി സ്ഥാനാര്‍ഥിയായി  നാമനിര്‍ദേശ പത്രിക നല്‍കിയ  വെങ്കയ്യ നായിഡു .  വളരെ ചെറുപ്പത്തില്‍ അമ്മയെ നഷ്ടമായ  തന്നെ  ഇതുവരെ വളര്‍ത്തിയത്  പാര്‍ട്ടിയാണെന്ന്   വികാരാധീനനായി വെങ്കയ്യ  നായിഡു  പറഞ്ഞു . ആന്ധ്രയിലെ  അവിഭക്ത  നെല്ലൂര്‍ ജില്ലയിലെ ഒരു ഇടത്തരം   കര്‍ഷക കുടുംബത്തില്‍ ജനിച്ച നായിഡു  കബഡി കളിയിലൂടെയാണ് ആര്‍   എസ് എസി ലേക്ക് ആകര്‍ഷിക്കപ്പെടുന്നത് . എം എല്‍ എ , എം പി  എന്നീ  നിലകളില്‍  രാഷ്ട്രീയത്തില്‍ സജീവമായ  വെങ്കയ്യ  നിരവധി തവണ  കേന്ദ്ര മന്ത്രിയുമായി .

ആസ്സാമീസ് നടിയുടെ മരണം ഭര്‍ത്താവ് അറസ്റ്റില്‍

ന്യൂഡല്‍ഹി :ആസാമീസ് നടിയും ഗായികയുമായ ബിദിഷ  ബെസ് ബറുവയുടെ  ദുരൂഹ മരണത്തില്‍  ഭര്‍ത്താവിനെ പോലീസ് അറസ്റ്റ് ചെയ്തു. ഗുര്‍ഗാവിലെ  സെക്ടര്‍ 43 ലുള്ള അപ്പാര്‍ട്ട്മെന്റില്‍  ജൂലായ്  പതിനേഴിനാണ് ബിദിഷയെ മരിച്ച  നിലയില്‍ കണ്ടെത്തിയത്.   അടുത്ത  കാലത്തായി രണ്‍ബീര്‍ കപൂറുമായി ചേര്‍ന്ന്‍അഭിനയിച്ച  ജാഗ ജാസൂസ്   എന്ന  ചിത്രത്തിലൂടെ  ബിദിഷ  ഏറെ ശ്രദ്ധ നേടിയിരുന്നു .

ശശികലക്ക് ജയിലില്‍ വി ഐ പി പരിഗണന : ഡി ജി പി യും ഡി ഐ ജി യും കൊമ്പ് കോര്‍ക്കുന്നു

ബാംഗ്ലൂര്‍ : ബാഗ്ലൂരിലെ സെന്‍ട്രല്‍ ജയിലില്‍ അണ്ണാ ഡി എം കെ  ജനറല്‍ സെക്രട്ടറി ശശികലക്ക് വി ഐ പി പരിഗണനയും  പ്രത്യേക അടുക്കളയും നല്‍കിയെന്ന ആരോപണത്തില്‍ ജയില്‍  ഡി ജി പി സത്യനാരായണ റാവുവും , ജയില്‍ ഡി ഐ ജി രൂപയും കൊമ്പ് കോര്‍ക്കുന്നു.

ചൈനയുടെ മധ്യസ്ഥത വാഗ്ദാനം ഇന്ത്യ തള്ളി

ന്യൂഡല്‍ഹി:  കാശ്മീര്‍ പ്രശ്നത്തില്‍ മധ്യസ്ഥത വഹിക്കാമെന്ന ചൈനയുടെ  വാഗ്ദാനം ഇന്ത്യ തള്ളി. അതിര്‍ത്തി കടന്നുള്ള ഭീകരപ്രവര്‍ത്തനമാണ്  ജമ്മുകശ്മീരിലെ  സമാധാനത്തിന് ഭീഷണിയെന്ന് പറഞ്ഞ ഇന്ത്യ ഇത് ഉഭയകക്ഷി വിഷയമാണെന്നും  വ്യക്തമാക്കി . കാശ്മീര്‍ പ്രശ്നം തീര്‍ക്കാന്‍ മധ്യസ്ഥത വഹിക്കാമെന്ന് അറിയിച്ചുകൊണ്ട്  ബെയ്ജിങ്ങില്‍ ചൈനീസ് വിദേശകാര്യ മന്ത്രാലയമാണ് പ്രസ്താവനയിറക്കിയത് . നിയന്ത്രണ  രേഖയില്‍ സംഘര്‍ഷം  വര്‍ദ്ധിച്ചതിനെത്തുര്‍ന്ന്‍ പ്രശ്നം അന്തരാഷ്ട്ര ശ്രദ്ധ നേടിയ സാഹചര്യത്തിലാണ്  മധ്യസ്ഥത വഹിക്കാന്‍ തയ്യാറാണെന്ന് അറിയിച്ചതെന്നും ചൈന വ്യക്തമാക്കി .

ഐ എസ് ബന്ധം മലയാളി ഡല്‍ഹിയില്‍ അറസ്റ്റില്‍

ന്യൂഡല്‍ഹി : ഐ എസുമായി ബന്ധമുണ്ടെന്ന് സംശയിക്കുന്ന മലയാളിയെ ഡല്‍ഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ വെച്ച് ഡല്‍ഹി പോലീസ് അറസ്റ്റ് ചെയ്തു. ഐ എസ് ബന്ധമുള്ള യുവാവ് ഇന്ത്യയില്‍ എത്തുന്നുണ്ടെന്ന്  യു എസ് ചാരസംഘടനയായ സി ഐ എ നല്‍കിയ വിവരത്തിന്‍റെ അടിസ്ഥാനത്തിലാണ് കണ്ണൂര്‍ സ്വദേശിയായ ഷാജഹാന്‍ വെള്ളുവക്കണ്ടി (32) എന്നയാള്‍ പിടിയിലായത് .വ്യാജ പാസ്പ്പോര്‍ട്ട് ഉപയോഗിച്ച് തുര്‍ക്കിയിലെത്തിയ ഷാജഹാനെ അവിടെ നിന്ന് തിരിച്ചയക്കുകയായിരുന്നു. തുര്‍ക്കി വഴി സിറിയയിലേക്ക് കടക്കാനായിരുന്നു ഇയാളുടെ പദ്ധതിയെന്ന്‍ പോലീസ് പറഞ്ഞു .

അതിര്‍ത്തിയില്‍ പാക് വെടിവെപ്പ് രണ്ട് ജവാന്മാരുടെ ജീവന്‍ പൊലിഞ്ഞു

ശ്രീനഗര്‍ : നിയന്ത്രണ രേഖയില്‍ പാക് സൈന്യം നടത്തിയ വെടിവെപ്പില്‍ രണ്ട് ജവാന്മാര്‍ രക്തസാക്ഷികളായി .ഉത്തരകാശ്മീരിലെ  കുപ്പുവാര ജില്ലയില്‍ കെരാന്‍ മേഖലയില്‍ ബുധനാഴ്ച  ഉച്ചയോടെയാണ് വെടിവെപ്പ് ഉണ്ടായത്. ബുദ്ഗാം ജില്ലയില്‍ മൂന്ന്  ഹിസ്ബുള്‍ മുജാഹിദീന്‍ തീവ്രവാദികളെ  സൈന്യം വധിച്ചതിന്  പിന്നാലെയാണ് പാക് പ്രകോപനം ഉണ്ടായത്.

Alpha Media , B.34/6 , Kendriya Vihar
Kharghar , pin 410 210
Navi Mumbai , Maharashtra
India.
Tel : 022 27740 713
Mob : +91 9819 1039 28
Email : info@mumbaimalayali.com

Mumbai Malayali.in

© Alpha Media, Navi Mumbai 2014-2015. All rights reserved.

Designed & Maintained byAxon Communications