Twitter icon
Facebook icon
Google+ icon
LinkedIn icon
YouTube icon

ഉരുളയും ഉപ്പേരിയും കിട്ടാത്ത കാലം

ശ്രീമാന്‍

        ഉരുളക്കൊത്ത ഉപ്പേരി കിട്ടാതെ
        കലത്തില്‍" കശ- പിശ" കലഹം 
           
         ഉരുളയെവിടെ
         ഉപ്പേരിയെവിടെ 
          ഉമിനീര് ഉന്നയിക്കുന്ന 
           ഉത്തരം കിട്ടാത്ത ചോദ്യം 
 
         തൊണ്ടയില്‍ ദര്‍ശനങ്ങള്‍ഒട്ടിപ്പിടിച്ചപ്പോള്‍  
വയറ്റുപ്പിഴപ്പ് സേവ -തത്വ - സിദ്ധാന്ത നാമജപം തുടര്‍ന്നു.
 
                വറ്റ് വറ്റിനോട് ഓട്ടാതെ
                  വാക്കുകള്‍ ഉരുളയായ് മാറാതെ 
                   കോവയ്ക്ക, ചേന, പയറ്
                    ഉപ്പും മുളകും ചേരാതെ 
                     ഭിന്നിച്ചും  ഒന്നിച്ചും നിന്ന് 
                      വേവാതെ കൊറിയന്‍ 
                       കടിക്കുന്ന അരിയോട് ചോദിച്ചു .
                                 
                          "എന്നുതൊട്ടാണ്  നീ 
                             വെറും  വായ്ക്കരിയായി 
                              രൂപ മാറ്റം കൈവരിച്ചത്?"
                               പരുവത്തില്‍ ഉരുളകള്‍ ഉരുട്ടാന്‍ 
                                  അറിയാത്ത കൈകളും വിരലുകളും 
                                    മദ്ദളം കൊട്ടി
 
                                  ഗുദാമുകളില്‍  സ്ഥിരതാമസമാക്കിയ 
                                    എലിസമൂഹം സംഘഗാനം പാടി 
                                     റേഷന്‍ കടകളിലെ  പുഴുവര്‍ഗ്ഗം 
                                      കൈകൊട്ടിക്കളിച്ചു.
                                       പട്ടിണിവയറുകളുടെ 
                                         ജഠരാഗ്നി ജലം
                                          തിളച്ചു മറിയാന്‍ തുടങ്ങി 
                                           അന്നേരം  അശരീരി :
 
                                            അഹം "ഫാസ്റ്റ് ഫുഡ് "
                                             അവതാരം എടുത്ത നാള്‍ മുതല്‍ !
                                           

Alpha Media , B.34/6 , Kendriya Vihar
Kharghar , pin 410 210
Navi Mumbai , Maharashtra
India.
Tel : 022 27740 713
Mob : +91 9819 1039 28
Email : info@mumbaimalayali.com

Mumbai Malayali.in

© Alpha Media, Navi Mumbai 2014-2015. All rights reserved.

Designed & Maintained byAxon Communications