Twitter icon
Facebook icon
Google+ icon
LinkedIn icon
YouTube icon

Music and Arts

കല്‍ക്കത്ത: വര്‍ഷങ്ങളോളം രാഷ്ട്രീയ പ്രവര്‍ത്തനം  നടത്തി എങ്ങുമെത്താന്‍ കഴിയാത്തവര്‍ നമുക്കിടയില്‍ നിരവധിയാണ് .എന്നാല്‍ ഭാഗ്യവും അതോടൊപ്പം കൈപിടിച്ചുയര്‍ത്താന്‍ ആളും  ഉണ്ടായാല്‍ രാഷ്ട്രീയത്തില്‍  പെട്ടന്ന് ഉയരാന്‍ കഴിയും . മോദി മന്ത്രിസഭയിലെ യുവ മന്ത്രി ബാബുല്‍  സുപ്രിയോ അങ്ങനെ പെട്ടന്ന് ഉയര്‍ന്നുവന്ന രാഷ്ട്രീയ താരമാണ് . കേവലം എട്ടുമാസം മുമ്പ് മാത്രം രാഷ്ട്രീയ പ്രവേശനം നടത്തിയ സുപ്രിയോ ഇന്ന് കേന്ദ്രമന്ത്രിയാണ്. ബോളിവുഡില്‍ ഗായകനായി  കത്തിനില്‍ക്കുന്ന സമയത്താണ് സുപ്രിയോ ബി ജെ പി യിലൂടെ രാഷ്ട്രീയ രംഗത്ത് എത്തുന്നത് .

കൊച്ചി : കൊച്ചി രാജ്യാന്തര പുസ്തകോത്സവ സമിതിയുടെ ബാലാമണിയമ്മ പുരസ്കാരം എം ടി വാസുദേവന്‍ നായര്‍ക്ക് .25,000രൂപയാണ് സമ്മാനം .മലയാള സാഹിത്യത്തിനു നല്‍കിയ സമഗ്ര സംഭാവന മുന്‍നിര്‍ത്തിയാണ് പുരസ്ക്കാരം നല്‍കുന്നതെന്ന് ജഡ്ജിംഗ് കമ്മറ്റി അംഗം കെ എല്‍ മോഹനവര്‍മ്മ അറിയിച്ചു.നവംബര്‍ മുപ്പതിന് വൈകീട്ട് ആറുമണിക്ക് രാജ്യാന്തര പുസ്തക വേദിയില്‍ വെച്ച് പുരസ്കാരം സമ്മാനിക്കും 

തിരുവനന്തപുരം :  ആരാച്ചാര്‍ എന്ന നോവലിന് കെ ആര്‍ മീരക്ക് വയലാര്‍ രാമവര്‍മ്മ സാഹിത്യ അവാര്‍ഡ് .മലയാളത്തിലെ യുവ കഥാകൃത്തുക്കളില്‍  ശ്രദ്ധേയായ  മീരയുടെ ഈ നോവലിന് നേരത്തെ ഓടക്കുഴല്‍ അവാര്‍ഡ് ലഭിച്ചിരുന്നു .ആവേ  മരിയ  എന്ന കഥാ സമാഹാരത്തിനു  കേരളസാഹിത്യഅക്കാദമി പുരസ്ക്കാരം ലഭിച്ചിരുന്നു. ഓര്‍മ്മയുടെ ഞരമ്പ്, മോഹമഞ്ഞ, മാലാഖയുടെ മറുകുകള്‍--കരിനീല,നേത്രോന്മീലനം ,മീരാ സാധു, യൂദാസിന്‍റെ സുവിശേഷം  തുടങ്ങിയവയാണ് പ്രധാന കൃതികള്‍. വയലാര്‍ ചരമവാര്‍ഷിക ദിനമായ 27നു വൈകീട്ട് എ കെ ജി സ്മാരക ഹാളില്‍ നടക്കുന്ന ചടങ്ങില്‍ വെച്ച് ട്രസ്റ്റ് ചെയര്‍മാന്‍ പ്രൊ:എം കെ സാനു അവാര്‍ഡ് സമ്മാനിക്കും 

മുംബൈ: സിനിമ സെന്‍സര്‍ ചെയ്യുന്നതുപോലെ ഗാനങ്ങളും സെന്‍സര്‍ ചെയ്യണമെന്നു  ഗാനരചയിതാവും, തിരക്കഥാകൃത്തുമായ  ജാവേദ് അക്തര്‍ പറഞ്ഞു. സിനിമയ്ക്ക് സെന്‍സര്‍ ബോര്‍ഡ് ഉള്ളതുപോലെ  ഗാനങ്ങള്‍ നിരീക്ഷിക്കാന്‍ പ്രത്യേകം സംവിധാനം ഉണ്ടാകണം  അക്തര്‍ പറഞ്ഞു.ഗാനങ്ങളില്‍ അശ്ലീലങ്ങള്‍ ധാരാളമായി  കടന്നുവരികയാണ് .സാധാരണയായി സിനിമയ്ക്ക് മുമ്പ് ഗാനങ്ങള്‍ റിലീസാകുന്നു അതിനാല്‍ ഇവ നിരീക്ഷിച്ച്  അശ്ളീളങ്ങള്‍ നിറഞ്ഞതാണെങ്കില്‍ സിനിമയില്‍ നിന്ന് ഒഴിവാക്കണം  മാത്രമല്ല  ഇത്തരം ഗാനങ്ങള്‍ മറ്റ് സ്ഥലങ്ങളില്‍ അവതരിപ്പിക്കുന്നത് തടയുകയും വേണം ജാവേദ്‌ അക്തര്‍ അഭിപ്രായപ്പെട്ടു.

മുംബയ്:  നക്ഷത്ര ഡാന്‍സ് ഫെസ്റ്റി വലിന്‍റെ ആറാം എഡീഷന്‍ സെപ്തംബര്‍ പത്തൊന്‍പത് മുതല്‍ ഇരുപത്തിയാറുവരെ  മുംബയ് നരിമാന്‍ പോയിന്‍റിലെ  നാഷണല്‍ സെന്‍റര്‍ ഫോര്‍ പെര്‍ഫോമിംഗ് ആര്‍ട്സില്‍ (എന്‍ സി പി എ) നടക്കുന്നു. വിവിധ നൃത്തരൂപങ്ങള്‍ക്ക് പുറമേ ഇപ്രാവശ്യം കഥകളിയുടേയും , മോഹിനിയാട്ടത്തി ന്‍റെയും ചമയങ്ങളുടെ പ്രദര്‍ശനവും  ഫെസ്റ്റി വലിന്‍റെ ഭാഗമായി സംഘടിപ്പിക്കുന്നുണ്ട്. നര്‍ത്തകിമാരായ മന്ദാകിനി ത്രിവേദി, കലാമണ്ഡലം പിയാല്‍ ഭട്ടാചാര്യ എന്നിവരുടെ നേതൃത്വത്തിലാണ് നേപത്യ എന്ന പേരില്‍ കേരളത്തിന്‍റെ തനതു കലാരൂപങ്ങളായ കഥകളിയുടേയും ,മോഹിനിയാട്ടത്തിന്‍റെയും  ചമയ പ്രദര്‍ശനം ഒരുക്കുന്നത്.

മുംബൈ:  എം കെ ജയസൂര്യന്  ദേശീയ സംഗീത ഭൂഷന്‍ പുരസ്ക്കാരം . താരാപ്പൂര്‍ ആസ്ഥാനമായി പ്രവര്‍ത്തിക്കുന്ന  നാട്യ നികേതന്‍ ഡാന്‍സ് ആന്‍റ് മ്യൂസിക് അക്കാദമി ഡയരക്ടര്‍ആണ് ജയസൂര്യന്‍ .കര്‍ണ്ണാടക സംഗീതത്തിലും ,ഹിന്ദുസ്ഥാനി സംഗീതത്തിലും നല്‍കിയ സംഭാവന പരിഗണിച്ചാണ് പുരസ്കാരമെന്ന്  ഇന്ത്യന്‍ തിയേറ്റര്‍ ഒളിമ്പ്യാഡ് സംഘാടക സമിതിക്കുവേണ്ടി പ്രൊഫസര്‍ കാര്‍ത്തിക് രഥ് അറിയിച്ചു .കട്ടക്കിലെ വിഷ്വല്‍ കലാകേന്ദ്രയില്‍ സെപ്തംബര്‍ അഞ്ചുമുതല്‍ പതിനഞ്ചുവരെ നടക്കുന്ന ഇന്ത്യന്‍ തിയേറ്റര്‍ ഒളിമ്പ്യാഡില്‍ വെച്ച് സെപ്തംബര്‍ ഏഴിന് പുരസ്കാരം സമ്മാനിക്കും

മുംബൈ: സ്റ്റീഫന്‍ സ്പീല്‍ബര്‍ഗ് നിര്‍മ്മിക്കുന്ന ഹോളിവുഡ് സിനിമയില്‍ പ്രശസ്ത ഗായിക അളക യാഗ്നിക്ക് പാടുന്നു. സംഗീത സംവിധായകന്‍ എ ആര്‍ രഹ് മാനാണ് സംഗീത സംവിധായകന്‍ . റഹമാന്‍ മുമ്പ് ഹോളിവുഡ് സിനിമകള്‍ക്ക് സംഗീതം പകര്‍ന്നിട്ടുണ്ടെങ്കിലും അളക യാഗ്നിക്കിന്‍റെ ആദ്യ ഹോളിവുഡ് സംരംഭമാണിത്. റഹ്മാന്‍റെ സംഗീത സംവിധാനത്തില്‍ നേരത്തെ രിന്‍ഗ രിന്‍ഗ എന്ന സിനിമയിലും ,സ്ലം ഡോഗ് മില്ലിയണറിലും അളക യാഗ്നിക്ക് പാടിയിരുന്നു. അളക യാഗ്നിക്കിന്‍റെ ഹോളിവുഡ് സിനിമക്ക് വേണ്ടിയുള്ള  ആദ്യ സോളോ ഗാനത്തിന്‍റെ റെക്കാര്‍ഡിങ്ങ് ചെന്നയിലാണ് നടന്നത്.

നെരൂള്‍ : ന്യൂബോംബെ കേരളീയ സമാജത്തിന്‍റെ ആഭിമുഖ്യത്തില്‍ മോഹിനിയാട്ടം ക്ലാസ് ആരംഭിച്ചു. നാലുവര്‍ഷം നീണ്ടു നില്‍ക്കുന്നതാണ് കോഴ്സ് .ഏഴുവയസ്സുമുതലുള്ള കുട്ടികള്‍ക്കാണ്  പ്രവേശനം നല്‍കുന്നത്. കലാമണ്ഡലം രാജലക്ഷിമിയുടെ  നേതൃത്വത്തിലാണ് ക്ലാസുകള്‍. ക്ലാസ്സില്‍ ചേരാന്‍ താല്‍പ്പര്യമുള്ള കുട്ടികളുടെ രക്ഷിതാക്കള്‍ക്ക് 9833074099 എന്ന നമ്പരില്‍ ബന്ധപ്പെടവുന്നതാണെന്ന് സമാജം ഭാരവാഹികള്‍ അറിയിച്ചു.

കൊച്ചി: ഈ വര്‍ഷത്തെ എം എസ് സുബ്ബലക്ഷ്മി പുരസ്കാരത്തിന് പ്രശസ്ത കര്‍ണ്ണാടക സംഗീതജ്ഞ മാതംഗി സത്യമൂര്‍ത്തി അര്‍ഹയായി . കര്‍ണ്ണാടക സംഗീതത്തിന് നല്‍കിയ സംഭാവന പരിഗണിച്ചാണ് പുരസ്ക്കാരം . എം എസ് സുബ്ബലക്ഷ്മിയുടെ സ്മരണാര്‍ത്ഥം സുബ്ബലക്ഷ്മി ഫൌണ്ടേഷനും, വര്‍ക്കല ആസ്ഥാനമായി പ്രവര്‍ത്തിക്കുന്ന ശ്രീകൃഷ സംഗീത നൃത്ത അക്കാദമിയുമാണ് പുരസ്ക്കാരം ഏര്‍പ്പെടുത്തിയത്. 10001 രൂപയും പ്രശസ്തി പത്രവും അടങ്ങുന്നതാണ് പുരസ്ക്കാരം

മുംബൈ: പ്രശസ്ത കഥക് നര്‍ത്തകി രഞ്ജന ഭട്ടാചാര്യയെ  ഭരത് സിറ്റിസന്‍ ഫോറം അനുമോദിച്ചു. ശാസ്ത്രീയ നൃത്തത്തിന് പ്രത്യേകിച്ച് കഥക് നൃത്തത്തിന് നല്‍കിയ സംഭാവനയെ മുന്‍നിര്‍ത്തിയാണ്  അനുമോദനം . ഗുഡി പടവ ദിനത്തില്‍ നടന്ന ചടങ്ങില്‍ വെച്ച് രഞ്ജനക്ക്  അവാര്‍ഡും പ്രശസ്തി പത്രവും സമ്മാനിച്ചു. ബോളിവുഡ് ഫോട്ടോഗ്രാഫര്‍മാരായ ബി കെ തമ്പേ, രമാകാന്ത് മുണ്ടെ ,ഡി കെ സോണി,രാജു അസ്രാനി തുടങ്ങിയ പ്രമുഖര്‍ ചടങ്ങില്‍ പങ്കെടുത്തു. ജയന്തിമാല ,സിതാര ദേവി എന്നീ ഗുരുക്കന്മാരുടെ കീഴില്‍ കഥക് അഭ്യസിച്ച രഞ്ജന നിരവധി വേദികളില്‍ നൃത്തം അവതരിപ്പിച്ച് പ്രശംസ പിടിച്ചു പറ്റിയിട്ടുണ്ട്. നിരവധി പുരസ്ക്കാരങ്ങളും ലഭിച്ചിട്ടുണ്ട്.

Alpha Media , B.34/6 , Kendriya Vihar
Kharghar , pin 410 210
Navi Mumbai , Maharashtra
India.
Tel : 022 27740 713
Mob : +91 9819 1039 28
Email : info@mumbaimalayali.com

Mumbai Malayali.in

© Alpha Media, Navi Mumbai 2014-2015. All rights reserved.

Designed & Maintained byAxon Communications